Observatorio contra la homofobia – Rocío Fraga – Colectivo ALAS   Leave a comment

Rocío Fraga firma convenio con el colectivo ALAS

  A Concellería de Igualdade apoia a posta en marcha de dous observatorios para sensibilizar ante os delitos de odio contra as diversidades na Coruña.

   Rocío Fraga sinala que as dúas iniciativas complementarán o labor do Observatorio Municipal de Igualdade e Diversidade, así como o traballo que está a desenvolver o goberno local, a través de diversas iniciativas, “a favor do respecto dos dereitos humanos e das liberdades sexuais”

   A concelleira de Igualdade e Diversidade, Rocío Fraga, asinou esta mañá dous convenios de colaboración con senllas entidades da cidade, ALAS Coruña e SOS Racismo, que teñen por obxectivo apoiar, desde o Concello, a posta en marcha de dous observatorios para sensibilizar á cidadanía sobre os delitos de odio na Coruña. “Desde o goberno local queremos afondar no labor para erradicar as violencias de todo tipo, así como para informar das problemáticas que sofren colectivos dunha cidade da que estamos orgullosas da súa diversidade”, explica a edil, quen sinala que o traballo que realizarán estas dúas iniciativas tamén estará vinculado ao Observatorio Municipal de Igualdade e Diversidade, que se desenvolverá proximamente a través dos fondos DUSI. “Esta nova colaboración, que incluirá reunións periódicas entre o Concello e as entidades, vai dirixida a favorecer a coordinación de esforzos entre institución e tecido social, e permitirá sentar as bases dunha estrutura común e transversal que traballe a prol dun municipio máis diverso”, expón Fraga.

   Así, a través dun convenio coa Asociación pola Liberdade Afectiva e Sexual da Coruña (ALAS), o Concello colaborará no desenvolvemento do proxecto de Observatorio contra delitos de odio LGTB da Coruña co financiamento das súas actividades por un importe de 4.997 euros. Tal e como sinala a edil, esta proposta súmase tamén ao traballo que o goberno local está a desenvolver a través do Espazo das Diversidades Sexuais e Identidades de Xénero, posto en marcha o ano pasado co obxectivo de prestar asesoramento e información sobre saúde sexual e efectiva. No caso de SOS Racismo, o documento asinado por Fraga ten como finalidade contribuír á posta en marcha da Oficina de información e denuncias en materia de racismo e xenofobia, “que permitirá avanzar tanto na loita contra toda forma de discriminación e segregación, como na integración do colectivo migrante no termo municipal e na área metropolitana”, expón a edil. “Queremos unha cidade libre de violencias machistas, racistas e libre de lgtbfobia, por isto é fundamental afondar no traballo que estamos a realizar neste ámbito e coordinar este labor coas entidades sociais da cidade para sensibilizar, informar é concienciar á veciñanza sobre as problemáticas, así como a necesidade de denunciar as agresións no caso de presencialas”, subliña a edil. Ao fío, a concelleira lembrou que a Policía Local da Coruña está preparada para recoller todo tipo de denuncias homofóbicas e racistas, a través da súa participación nun programa de xestión da sociedade diversa, e que inclúe, entre outras cuestións, un conxunto de accións formativas e en materia de xestión policial, de cara a mellorar a eficacia do corpo municipal na súa loita contra os delitos de odio.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

A %d blogueros les gusta esto: